دوهم نصيحت : د ښځې د اصلاح د پاره کوښښ کول :
کچيرې ښځه صالحه وي نو فبها و نعمت دا به د الله جل جلا له فضل وي او که صالحه نه وي نو د هغه او کور د اهل اصلاح کول د الله جل جلا له د طرف نه يو واجبي حکم دی .
او سړی دې په دې پوه شي چې اول خو هدایت د الله جل جلا له د جانبه دی او اصلی اصلاح کوونکی الله جل جلا له دی ، لکه الله جل جلا له چې د خپل بنده حضرت زکريا عليه سلام په اړه فرمايي : { وَأَصْلَحْنَا لَهُ زَوْجَهُ إِنَّهُمْ كَانُوا يُسَارِعُونَ فِي الْخَيْرَاتِ وَيَدْعُونَنَا رَغَبًا وَرَهَبًا وَكَانُوا لَنَا خَاشِعِينَ } سورة الأنبياء ، الآية 90
يعنې : او د هغه ميرمن مو د هغه د پاره صالحه او وړ وکرځوله ، دغو کسانو د ښېګنې په چارو کې منډې ترړې کولې او مونږ یې له ميلان او وېرې سره بللو ، او زمونږ پر وړاندې غاړه ايښودونکی وو .
د ښځې د اصلاح د پاره ځنې صورتونه په لاندې ډول دي :
۱- د ځان په شان د هغې د ايمان لوړوالی او داسلامې شريعت د ضروري احکام ور زده کول .
۲- د شپې د لمانځه د پاره د هغې پاڅول .
۳- د قرآنکريم تلاوت کول .
۴- د اذکارو او مسنونه دعاګانو يادول او په مناسب وخت کې د هغه ذکر کول .
۵- د صدقي ورکول .
۶- اسلامې کتابونو لوستل .
۷- اسلامې بيانونو او وعظ ته غوږ نيول .
۸- د صالحو ښځو سره د ديني معلوماتو او نصحيت تبادله کول .
۹- د بد کرداره ښځو د ناستې ولاړې ، راشه در شه څخه پرهيز او د فساد له ځايونو څخه لرې والی
دريم نصيحت : کور د الله جل جلا له د ياد ځای ګرځول :
رسول الله صلی الله عليه وسلم فرمايي: ” مثل البيت الذي يذكر الله فيه ، والبيت الذي لا يذكر الله فيه مثل الحي والميت “ .
ژباړه : مثال د هغه کور چې په هغه کې د الله جل جلا له ذکر کيږي او هغه چې په هغه کې د الله جل جلا له ذکر نه کيږي په مثال د ژوندي او مړه دی .
نو په کار ده چې خپل کور د الله جل جلا له د ذکر ځای و ګرځوو . هغه که د زړه ذکر وي ، د ژبې ذکر وي ، لمونځونه وي ، د قرآنکريم تلاوت ، د علم شرعي مذاکره کول او يا د شرعي کتابونه لوستل وي .
نن عصر د ډيرو مسلمانانو کورونه د مړو په شان دي چې په هغې کې د الله جل جلا له د ذکر پر ځای د شيطان ذکر کيږي لکه موسيقي ، ساز او سرود ، مجسمې او د تصويرونو ځړول ، غيبت او بهتان کول او داسې نور منکراتو نو داسې کور ته به څنګه پريښتې ننوځي ؟ او په داسې کور کې به برکت او خير له کومه شي ؟
دا خو لا څه چې د هغو کسانو به څه حال وي چې پخپل مينځ کې د خپلو نا محرمو خپلوالو تر مينځ اختلاط کوي د اقاربو تر مينځ تبرج وي (بې حجابي ) او د خدمتګار کور او کوتې ته داخليدل وي .
پس ژوندئ کړئ کورونه خپل په ياد د الله جل جلا له سره .
ليکنه : د ریاض جيد عالم شيخ محمد صالح المنجد
ژباړه : آن لاين اسلامې لارښود