ځواب: الحمدلله رب العالمين … اما بعد
په موټرونو او ديوالونو باندې د ژونديو يا وفات شویو مشرانو، خپلوانو او نورو تصويرونه نصوبول په لاندې دلايلو حرام دي :
اول – د ضرورت پرته د ساه لرونکو تصويرونه رسمول او چاپول حرام دي په اړه يې سخت وعيدونه راغلي دي:
عبدالله ابن مسعود وايي: له پيغمبر صلی الله عليه وسلم نه مې وارويدل چې فرمايل يې :
إِنَّ أَشَدَّ النَّاسِ عَذَابًا يَوْمَ الْقِيَامَةِ الْمُصَوِّرُونَ» (رواه البخاري و مسلم).
ژباړه: د قيامت په ورځ له خلکو څخه سخترين عذاب د تصوير جوړونکو دی.
په کوم کور او ځای کې چې تصويرونه او مجسمې نصب وي هغو ځایونو ته ملائکې نه ننوځي[1].
د ضرورت پرته لکه: تذکره، پارسپورت، سند او نورو پرته د ساه لرونکو تصويرونو ترسيم اوچاپ حرام دی[2]
دوهم – د تعظيم او احترام لپاره د مشرانو تصويرونه ځړول په خاصه توګه د وفات شويو کسانو د شرک خطر لري، ځکه د نوح عليه اسلام قوم د خپلو پنځو صالحو کسانو په وفات ډير ځوريدل لکه: ود، سواع، يغوث، يعوق او نسر .
نو شيطان هغوی د دغو صالحانو تصويرونه او مجسمې جوړې کړلې او بيا په وروسته نسلونو کې د بت پرستی بنسټ کیښود .
او بل دا چې دغه عمل د کافرانو او مشرکانو سره مشابهت هغوی د خپلو مشرانو تصويرونه او مجسمې پخپلو کورونو او دفترونو کې نصب کړي وي[3] .
و بالله توفيق
آن لاين اسلامي لارښود …
————————————-
[1] – د مسلم شريف حديث دی:«لا تدخل الملائكة بيتا فيه تصاوير أو تماثيل».
يعنې : په کوم کور کې چې تصاوير او مجسمې وي هغه کور ته پريښتې نه ننوځي .
[2] – جاء في الموسوعة الفقهية و الطحاوي علی الدرالمختار :
يَحْرُمُ تَصْوِيرُ ذَوَاتِ الأَرْوَاحِ مُطْلَقًا، أَيْ سَوَاءٌ أَكَانَ لِلصُّورَةِ ظِلٌّ أَوْ لَمْ يَكُنْ. وَهُوَ مَذْهَبُ الْحَنَفِيَّةِ وَالشَّافِعِيَّةِ وَالْحَنَابِلَةِ. وَتَشَدَّدَ النَّوَوِيُّ حَتَّى ادَّعَى الإِجْمَاعَ عَلَيْهِ. وَفِي دَعْوَى الإِجْمَاعِ نَظَرٌ يُعْلَمُ مِمَّا يَأْتِي. وَقَدْ شَكَّكَ فِي صِحَّةِ الإِجْمَاعِ ابْنُ نُجَيْمٍ كَمَا فِي الطَّحْطَاوِيِّ عَلَى الدُّرِّ.
(الموسوعة الفقهية ج ۱۲/ص ۱۰۲ ،الطحطاوي على الدر المختار ۱ / ۲۷۳).
[3] – جاء في فتوی علماء البلد الحرام :