که د تعمير نقشه جوړه مګر عملي نشي اجرت ثابتيږي او که نه ؟

اسلام عليکم : مونږ د ديزاين شرکت لرو ځنو کسانو ته نقشه کار کړو ، کار مکمل پوره شي او تسليم يې کړي بيا زمونږ سره په اجرت کې جنجال کوي چې ما خو ځمکه په بل کس و پلورله ، زه اوس هغه نقشه نه عملي کوم او داسې نورې بهانې کوي او زمونږ د کړې مزدورۍ حق نه راکوي ، د اسلامي لارښود د چلوونکو څخه غواړم په دې اړه مفصل معلومات راکړي .

عبدالله له کابل څخه

ځواب

بسم الله الرحمن الرحيم

کله چې د تعمير نقشه جوړ شي ، په هغه کې څه تخنيکي مشکل نه وي (کار درست او تکميل وي) او مالک يې قبض کړي ، اجرت ثابتيږي د ديزاين شرکت د اجرت مستحق دی ولو که هغه کس نقشه تطبيق نه کړي .

جاء في البحر الرائق شرح كنز الدقائق: الأجير الخاص إذا سلم نفسه ولم يستعمله المستأجر يستحق الأجرة.اهـ

وفي الموسوعة الفقهية: وإذا استوفى المستأجر المنافع, أو مضت المدة, ولا حاجز له عن الانتفاع, استقر الأجر, لأنه قبض المعقود عليه, فاستقر البدل, أو لأن المنافع تلفت باختياره .اهـ.

والله أعلم

آن لاين اسلامي لارښود

Print Friendly, PDF & Email

اترك تعليقاً