غير مسلم ته د قرآنکريم ورکول څه حکم لري ؟

د هر څه نه وړاندې ستاسو د سایت ټولو علماء کرامو او کارکوونکو ته السلام علیکم ورحمة الله وبرکاته

د لایمسه الا المطهرون ترجمه او صحیح تفسیر او مقصد  که راته بیان کړې ډیر به منندوی شم.

او بل دا چې یو مسلمان کافر ته قران کریم د دعوت په نیت ورکولی شي؟ سره ددې چې هغه خو پاک ندی، کیدای شي د ناپاکۍ په حالت کې یې واخلي.

مننه

بارک الله فی عمرکم.

احمد – پکتيکا


ځواب

بسم الله الرحمن الرحيم

اول :

د الله سبحانه وتعالی د دغه قول : [لا يمسه إلا المطهرون] (الواقعة -80).

معنې دا ده چې قرآن کريم به د حدث په حالت کې يعنې د طهارت پرته نه مسح کوئ .

همداسې په حديث شريف راغلي :« ألا يمس القرآن الا طاهر » .

حدث (وړه او لويه بې اودسي ) د طهارت او پاکی ضد دی او حدث په دوه ډوله دی :

حدث اصغر : بې اودسی .

حد أکبر : جنابت

يعنې د قرآنکريم مسحه کول ، په لاس کې اخيستل او لاس ور وړل د بې اودسۍ او جنابت په حالت کې حرام دي .

و يَحْرُمُ ( بِهِ ) أَيْ بِالأَكْبَرِ وَ بِالأَصْغَرِ مَسُّ مُصْحَفٍ ( درالمختار ۱/۱۱۶ ) .

دوهم :

کافر ته د اهانت له وېرې په مطلق ډول د قرآنکريم د مصحف ورکول حرام دي .

له رسول الله صَلَّى اللَّهُ عَلَيْهِ وَآلِهِ وَسَلَّمَ  نه روايت دی :[ كَانَ يَنْهَى أَنْ يُسَافَرَ بِالْقُرْآنِ إِلَى أَرْضِ الْعَدُوِّ؛ مَخَافَةَ أَنْ يَنَالَهُ الْعَدُوُّ ] بخاري (2990) او  مسلم (1869)

(پيغمبر صلی الله عليه وسلم  د کفر ملک ته د سفر په وخت کې د قرآنکريم له وړلو منع فرمايلی ، ددې ويره چې قرآن به د دوښمن لاس ته ولويږي ).

جاء في موسوعة الفقهية :

يُمْنَعُ الْكَافِرُ مِنْ مَسِّ الْمُصْحَفِ ، كَمَا يُمْنَعُ مِنْهُ الْمُسْلِمُ الْجُنُبُ ، بَلِ الْكَافِرُ أَوْلَى بِالْمَنْعِ ، وَيُمْنَعُ مِنْهُ مُطْلَقًا ، أَيْ سَوَاءٌ اغْتَسَلَ أَوْ لَمْ يَغْتَسِلْ ، وَفِي الْفَتَاوَى الْهِنْدِيَّةِ : أَنَّ أَبَا حَنِيفَةَ قَالَ : إِنِ اغْتَسَلَ جَازَ أَنْ يَمَسَّهُ ، وَحُكِيَ فِي الْبَحْرِ عَنْ أَبِي حَنِيفَةَ وَأَبَى يُوسُفَ الْمَنْعَ مُطْلَقًا ( موسوعة الفقهية جزء ۳۸ ص ۱۹ ) .

د احنافو په نزد تفسير هم د قرآن د مصحف حکم لري :

الْمُصْحَفُ إِنْ كُتِبَ عَلَى لَفْظِهِ الْعَرَبِيِّ بِحُرُوفِ غَيْرِ عَرَبِيَّةٍ فَهُوَ مُصْحَفٌ وَلَهُ أَحْكَامُ الْمُصْحَفِ ، وَبِهَذَا صَرَّحَ الْحَنَفِيَّةُ فَفِي الْفَتَاوَى الْهِنْدِيَّةِ وَتَنْوِيرِ الأَبْصَارِ( الموسوعة الفقهية جزء ۳۸ ص ۱۰ ).

او هغوی ته د اسلام راړلو په هيله د قرآن تلاوت کول جايز دي .لقوله سبحانه وتعالی :

[وَإِنْ أَحَدٌ مِنَ الْمُشْرِكِينَ اسْتَجَارَكَ فَأَجِرْهُ حَتَّى يَسْمَعَ كَلامَ اللَّهِ …… (6)]

( که يو له مشرکينو له ستا څخه پنا وغواړي ، هغه ته پناه ورکړه تر څو د الله تعالی خبرې واروي …… . (توبه ۶ )

مګر د ځينې فقهاؤ په نزد د کوم کافر چې د اسلام راوړلو هيله وي هغه ته د قرآنکريم د ترجمې او نورو اسلامي کتابونه ورکول باک نلري .

جاء في فتاوي اللجنة الدائمة :

لا بأس بإعطاء الكافر الذي يرجى إسلامه ترجمة معاني القرآن الكريم؛ لأن الممنوع إعطاؤه المصحف الشريف، والترجمة ليست مصحفًا وإنما هي تفسير، والأساليب التي تعين على دعوة الكفار إلى الإسلام هي بيان الإسلام لهم وعرض محاسنه عليهم وبيان أنهم مطالبون بالدخول فيه وأن الله لا يقبل دينًا سواه، وأن يكون ذلك بالحكمة والموعظة الحسنة والجدال بالتي هي أحسن وبالقدوة الصالحة والعرض الصحيح للإسلام من خلال أعمال وأقوال الدعاة.

وبالله التوفيق، وصلى الله على نبينا محمد وآله وصحبه وسلم.

و الله سبحانه وتعالی اعلم

آن لاين اسلامي لارښود

 

 

 

Print Friendly, PDF & Email

اترك تعليقاً