د قرآنکريم په تلاوت کې ځينې خپرې غلطۍ

د قرآنکريم په تلاوت کې ځينې خپرې غلطۍ (اخطاء الشائعة في تلاوة القرآن) :

سورة الفاتحة:

۱- ځينې خلک د الله تعالی په دغه قول « مَالِكِ يَوْمِ الدِّينِ » کې د «مالکِ» په کلمه کې د (کاف) حرف ساکن تلفظ کوي حال دا چې زير لري .

۲- ځينې خلک د الله تعالی په دغه قول « إِيَّاكَ نَعْبُدُ وإِيَّاكَ نَسْتَعِينُ » کې د «نَعْبُدُ» په کلمه کې د (دال) حرف ساکن تلفظ کوي حال دا چې د (دال) حرف پيښ لري .

سورة البقرة:

۳- ځينې خلک د الله تعالی په دغه قول [ فَانفَجَرَتْ مِنْهُ اثْنَتَا عَشْرَةَ عَيْناً ] (البقره:۶۰) آیت کې د « عَشْرَةَ » په کلمه کې د (شين) حرف چې ساکن دی په زور سره يې تلفظ کوي چې داسې ويل غلط دي .

۴- ځينې خلک د الله تعالی په دغه قول [وَلاَ تَعْثَوْاْ فِي الأَرْضِ مُفْسِدِينَ] (البقره:۶۰) آیت کې د « تَعْثَوْاْ » په کلمه کې د (ثاء) په پيښ سره تلفظ کوي (تعثُوا) حال دا چې زور لري . زور سره يې تلفظ کوي چې داسې ويل غلط دي .

سورة النساء:

۵- ځينې خلک د الله تعالی په دغه قول [هَاأَنتُمْ هَـؤُلاء جَادَلْتُمْ عَنْهُمْ فِي الْحَيَاةِ الدُّنْيَا فَمَن يُجَادِلُ اللّهَ عَنْهُمْ يَوْمَ الْقِيَامَةِ] (النسأء:۱۰۹) آیت کې د « يُجَادِلُ » په کلمه کې د (لام) حرف ساکن تلفظ کوي (تعثُوا) حال دا چې د (لام) حرف بيښ لري .

سورة المائدة:

۶- ځينې خلک د الله تعالی په دغه قول [وَمَا أَكَلَ السَّبُعُ إِلاَّ مَا ذَكَّيْتُمْ] (النسأء:۱۰۹) آیت کې د « السَّبُعُ » په کلمه کې د (باء) حرف چې مشدد زور لرونکی دی په پيښ سره يې تلفظ کوي (السُّبُعُ) چې داسې ويل غلط دي .

سورة الأنعام:

۷- ځينې خلک د الله تعالی په دغه قول [وَجَعَلُواْ لِلّهِ شُرَكَاء الْجِنَّ وَخَلَقَهُمْ] (الأنعام:۱۰۰) آیت کې د « الْجِنَّ » په کلمه کې د (نون) حرف په پيښ سره تلفظ کوي (الْجِنُّ) حال دا چې د (نون) حرف زور لري .

۸- ځينې خلک د الله تعالی په دغه قول [وَمِنَ الأَنْعَامِ حَمُولَةً وَفَرْشاً] (الأنعام:۱۴۲) آیت کې د « حَمُولَةً » په کلمه کې د (حاء) حرف په پيښ سره تلفظ کوي حال دا چې زور لري .

۹- ځينې خلک د الله تعالی په دغه قول [ثَمَانِيَةَ أَزْوَاجٍ مِّنَ الضَّأْنِ اثْنَيْنِ وَمِنَ الْمَعْزِ اثْنَيْنِ] (الأنعام:۱۴۳) آیت کې د « الْمَعْزِ » په کلمه کې د (عين) حرف په زير سره تلفظ کوي حال دا چې (عين) ساکن دی .

۱۰- ځينې خلک د الله تعالی په دغه قول [قُلْ إِنَّنِي هَدَانِي رَبِّي إِلَى صِرَاطٍ مُّسْتَقِيمٍ دِيناً قِيَماً مِّلَّةَ إِبْرَاهِيمَ حَنِيفاً وَمَا كَانَ مِنَ الْمُشْرِكِينَ] (الأنعام:۱۶۱) آیت کې د « قِيَماً » په کلمه کې د (قاف) حرف چې زير لري او د (ياء) حرف زور لري او مشدد نه دی ، چې مشدد لوستل يې غلط دي .

سورة الأعراف:

۱۱- ځينې خلک د الله تعالی په دغه قول [قَالَ اخْرُجْ مِنْهَا مَذْؤُوماً مَّدْحُوراً] (الأعراف:۱۸) آیت کې د « مَذْؤُوماً » په کلمه « مَذْمُومًا » يعنې په ميم سره يې تلفظ کوي او د « مذموما » کلمه د سوره اسراء په (۱۸او ۲۲) ايت ذکر شوی ده .

۱۲- د الله تعالی په دغه قول [تَتَّخِذُونَ مِن سُهُولِهَا قُصُوراً وَتَنْحِتُونَ الْجِبَالَ بُيُوتاً] (الأعراف:۷۴) آیت کې ځينې خلک د« الْجِبَالَ » نه مخکې (من) زياتوي (من الْجبلَ) يې تلفظ کوي ، حال دا چې دا کلمات په سوره الحجر او سوره نحل کې ذکر شوي دي .

۱۳- ځينې خلک د الله تعالی په دغه قول [فَلَمَّا أَثْقَلَت دَّعَوَا اللّهَ رَبَّهُمَا لَئِنْ آتَيْتَنَا صَالِحاً لَّنَكُونَنَّ مِنَ الشَّاكِرِينَ] (الأعراف:۱۸۹) آیت کې د « دَّعَوَا » په کلمه کې د (دال، عين) حروفو ته پيش ورکوي حال دا چې دواړه زور لري .

په رسم المصحف کې ځينې خپرې غلظۍ :

۱- کوم ځای کې چې د (واو) حرف د پاسه (کوچنی الف) ليکل شوی وي د الف مد معنی لري لکه :

چې داسې لوستل کيږي : وَأَقِيمُواْ الصَّلاَةَ وَآتُواْ الزَّكَاةَ وَارْكَعُواْ مَعَ الرَّاكِعِينَ

۲- کوم ځای کې چې د (واو) د حرف وروسته د پاسه کوچنی الف ليکل شوی وي نو د واو مد معنی لري يا د واو د ودرېدو معنی لري لکه :

اولئك عليهم صلوات من ربهم ورحمه واولئك هم المهتدون

چې داسې لوستل کيږي : أُولَـئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ (القرة : ۱۵۷ ) .

۳- کچېرې د حرف (واو) سره بل کوچنی واو ليکل شوی وي نو واو په مد دلادل کوي لکه :

وان منهم لفريقا يلوون السنتهم بالكتاب لتحسبوه من الكتاب وما هو من الكتاب ويقولون هو من عند الله وما هو من عند الله ويقولون على الله الكذب وهم يعلمون

چې داسې لوستل کيږي : وَإِنَّ مِنْهُمْ لَفَرِيقًا يَلْوُونَ أَلْسِنَتَهُم بِالْكِتَابِ (ال عمران :۷۸ ) .

۴- همدارنګه (تلووا :

يا ايها الذين امنوا كونوا قوامين بالقسط شهداء لله ولو على انفسكم او الوالدين والاقربين ان يكن غنيا او فقيرا فالله اولى بهما فلا تتبعوا الهوى ان تعدلوا وان تلووا او تعرضوا فان الله كان بما تعملون خبيرا

وَإِن تَلْوُواْ أَوْ تُعْرِضُواْ فَإِنَّ اللّهَ كَانَ بِمَا تَعْمَلُونَ خَبِيرًا (السناء :۱۳۵ ) .

همداسې :

ان وليي الله الذي نزل الكتاب وهو يتولى الصالحين

[إِنَّ وَلِيِّيَ اللَّهُ الَّذِي نَزَّلَ الْكِتَابَ وَهُوَ يَتَوَلَّى الصَّالِحِينَ] لوستل کيږي

همدارنګه :

وجيء يومئذ بجهنم يومئذ يتذكر الانسان وانى له الذكرى

 چې داسې لوستل کيږي :

[وَجِيءَ يَوْمَئِذٍ بِجَهَنَّمَ يَوْمَئِذٍ يَتَذَكَّرُ الْإِنسَانُ وَأَنَّىٰ لَهُ الذِّكْرَىٰ]

آن لاين اسلامي لارښود

Print Friendly, PDF & Email

اترك تعليقاً