کفار ولې د اسلامې مقدساتو سپکاوی کوي ؟

دا يو څرګند حقيقت دی چې يهود او نصارا د اسلام سخترين دوښمنان دي او الله جل جلا له  مسلمانان د یهودو او نصارؤ له دوستي څخه منع کړی دي :

قوله تعالی : يَا أَيُّهَا الَّذِينَ آمَنُوا لا تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ { [المائدة:51]

ای مؤمنانو، يهوديان او نصرانيان دوستان مه نيسئ دوی په خپلو منځو کې سره ملګري دي او که له تاسې څخه څوک هغوی خپل ملګري ونيسي نو بيا هغه هم په همغوی کې شميرل کيږي ،پدې کې شک نشته چې الله ظالمان له خپلې لارښوني بې برخې کړي دي .

لا يَتَّخِذِ الْمُؤْمِنُونَ الْكَافِرِينَ أَوْلِيَاءَ مِنْ دُونِ الْمُؤْمِنِينَ (آل عمران ۲۸ )

مؤمنان ! پرته له مؤمنانو څخه کافران ، دوستان او واکمنان نه نيسي .

دا چې کله نا کله کافران په ظاهره د اسلام د مقدساتو سپکاوی کوي او کوم اعمال چې د مقدساتو د سپکاوي لپاره يې پر ډاګه ترسره کوي يوه داسې نښه ده چې ټول عام خلک ورباندې پوهيږي ولې د پردې تر شا چې څومره اسلام ضد فعاليت کيږي هغه به نو پوره پوره يو الله جل جلا له ته معلوم وي .

هغوی هره لحظه د اسلام د مقدساتو د سپکاوي ، د اسلام له مينځه وړلو دسېسې جوړوي نو مسلمانانو ته هم په کار ده چې هر لحظه د اسلام دفاع ته تيارسۍ ووسي .

کله پر ډاګه قرآن سوځي ، په اسلام پسې دروغ تبليغات کوي او حتی د جناب رسول الله صلی الله عليه وسلم سپکاوی کوي هغه رسول چې په دنيا کې يې د ظلم تغر ټول کړ خلکو ته يې انسانيت ور وښود ، د اسلام څخه مخکې اورپايانو يو بل خوړل ( انسان به انسان ) خوړلو خو د اسلام د بعثت څخه وروسته دوی د مسلمانانو څخه انسانيت زده کړ، د مسلمانانو څخه يې علم او پرمختګ زده کړ او د مسلمانانو څخه يې عدل او سياست زده کړ .

نن د اسلام په ماڼې اور بل دی په چا کې که لږ او ډير ايمان وي نو د دين د نصرت د پاره خپلې هلې ځلې مه سپموي هغه که جسماني وي ، مالي او يا لساني او تبليغاتي وي .

له هغو کسانو مو ګيله نشته څوک چې د ديموکراسۍ پر ځنځير تړل شوي دي ځکه څوک چې د کفري ديموکراسۍ پر ځنځير وتړل شول د هغوی بيا شهوات او نفساني غوښتنی پر عقل غالبې شي چې بيا تر خپل دين ،خپل هيواد او خپل مسلمان ورور نه په عيش نوش کې ژوند او د جيب او خيټي ډکول مهم شي .

د دين سپکاوی د ماتي او ضعف معنی لري :

د نړۍ کفري ټلوالې له کلونو راهسې د اسلام پر وړاندې د سترې جنګي او ورسره تبليغاتي اسلحې تياری نيولو او دوی پوره ډاډه وو چې د نظامي تکنالوژۍ په وسيله به قوي اسلامي هيوادونه لاندې کړو او د فکري او تبليغاتې اسلحې په کارولو سره به مسلمانان له خپل دين څخه واړوو او يا به يې پوره ضعيف کړو .

چې ښه مثال يې زمونږ پر هيواد باندې د کفري ټلوالی يرغل دی د کفارو نظامي قوت له ماتي سره مخ دی او مسلمانان د پخوا په نسبت د هر ډول نظامي او فکري يرغل پر وړاندې پوره قوي دي .

نه يوازې دا چې اسلام يې حتی ضعيف هم نه کړ بلکي په عرب کې په پوره سرعت د پرمختګ په حال کې دی او هر ورځ په زرګونو کسان په اسلام کې داخليږي .

نه يوازې دا چې د مسلمانانو جهادي حرکت او قيام ضعيف کړي بلکي د غرب په ننه کې هم په پوره قوت سره په جوش راغی چې ښه مثال يې په فرانسه کې د يوې شيطاني مجلې په دفتر باندې جهادي حمله وه .

نور نو کافران بالکل مايوسه شول د اسلامي هيوادونو لاندې کولو کار ورنه کړ ، دروغو تبليغاتو کار ورنه کړ په اسلامي هيوادونو د خپلو مزدورانو قدرت ته رسولو کار ونه کړ او د حق پر وړاندې خو هسې هم د مقابلې هيڅ دليل نه لري نور د بې وسۍ او مايوسۍ په نتجه کې کنځاوي او سپکاوی کوي چې دا به هم هغوی ته هيڅ ګټه ونه رسوي بلکي ددې په وجه به ډير کافران د اسلام او پيغمبر صلی الله عليه وسلم په باره کې تحقياتو او څيړنو ته اړ شي او هغوی به د الله تعالی په فضل مسلمانان شي (ان شآء الله )

آن لاين اسلامي لارښود