مطلق او مقيد اذکار

اذکار په دوه ډوله دي مطلق او مقيد .

مطلق : هغه اذکار دي چې په خاص وخت او ځای پورې تعين نه وي بلکي په ټوله ورځ کې ويل کيږي .

مقيد : هغه مأثور او مسنونه اذکار دي چې په خاص وخت او خاص ځای کې د جناب رسول الله صلی الله عليه وسلم څخه ثابت شوی دي .

اوس دغه مقيد مأثور او مسنونه اذکار بيانوو :

د سبا او بيګا اذکار

صباح و المساء (سبا او ماښام ) کوم وخت دی؟

 د صباح په باره کې مشهور قول دا دی چې د سبا ختلو څخه پيل تر لمر ختلو پورې دوام لري ، په دليل د دغه قول د الله تعالی : [وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ الْغُرُوبِ] (ق : ۳۹ ).

او ځنې علماء کرام وايي د سبا ختلو څخه تر زوال پورې دوام لري.

 او المساء (ماښام) د مازديکر د لمانځه څخه پيل تر ماښام يا لمر پرېوتلو پورې دوام کوي ،او ځنې علماء کرام وايي د مازديګر له لمانځه تر نيمې شپې پورې ، او ځينې علماء وايي د ماښام څخه تر صبح صادق (سبا ختلو ) پورې ، مګر قوي قول دا دی چې د مازديګر له لمانځه څخه تر ماښام پورې .

آن لاين اسلامي لارښود