آن لاين اسلامې لارښود قافله دعوت الی الله
د رمضان المبارک عزتمند مېلمه چې مونږ ته يې له ځانه سره د تقوی او صبر درس ، رحمت او برکت ، بښنه او استغفار راوړي وو اوس د رخصتېدو په درشل کې دی، کيدای شي نن يا سبا ورځ پاتې وي نور زمونږ څخه رخصت اخلي .
نور هغه شېبې را لنډې دي چې دغه عزتمند مېلمه به له مونږ څخه رخصت اخلي .
نو د دغه عزتمند مېلمه د رخصتېدو پر مهال مونږ ته څه کول پکار دي؟
۱- الله تعالی ته شکر ادا کول چې مونږ ته يې د دغه ستر عبادت توفيق راکړ .
۲- ډيره ډيره دعا چې يا الله ! زمونږ روژه ، زمونږ قيام ليل ، زمونږ د ليلة القدر عبادت ، زمونږ تلاوت ، زمونږ صدقات او زکات پخپل دربار کې قبول کړي .
۳- ډير ډير استغفار او د بښنې غوښتل چې يا الله ! مونږ ته په دغه مياشت کې بښنه وکړه او مونږ له خپلې بښنې څخه مه محروموه ، يا الله په عبادت کې مو که نواقص وو هغه وبښه ، په عاجزۍ او اوښکو استغفار او بښنه غوښتل .
۴- د رمضان مبارک په آخري شپه باندې بښنه غوښتلو تأکيد کول ځکه د رمضان آخري شپه خاص اهميت لري
په حديث شريف کې راغلي دي: « ويغفر لهم في آخر ليلة من رمضان.
ژباړه : او دوی ته به د رمضان په آخري شپه کې بښنه کيږي .
