د اولاد پيدا کيدو د تغويذ د پاره ښځې ته ورتلل

د ساحرانو او ګوډګرو نښې نښانې

السلام علیکم ورحمت الله وبرکاته
قدرمند د الاسلامي لارښود چلونکو زمونږ په کلی کی یوه میرمن تقریبا د 15 کلنو را دیخواځان په پیرانو اخته کړی دی او خلکو ته وایی چی زه پیرانی یم او هغه میرمنی چی اولادونه نه لری دی ته ورځی او دا ورته د جمعی په شپه تعویذونه او نور کاغذونه چی کافی په ماشین کی اخستل شویده د 5000 څخه تر 10000 افغانیو په بدل کی ورکوی ورته وایی چی دا کاغذونه سهار او ماښام ژوی اوبه یی تیروی د دغه کاغذونو په یوه برخه کی د الله نومونه، د قرانکریم ایتونه او په بله برخه کی یی د 154632 عدونو غوندی حساب لیکل شوی وی.
د الله جل جلاله څخه ډیر شکرګذار یم ماته یی یو اولاد راکړیدی زما زوی تقریبا اوس د دریو کلونو شااوخوا دی زما بل اولاد تر اوسه ندی شوی زه غواړم چی الله جل جلاله ماته نور اولادونه هم راکړی نو تاسو ماته یوه لاره راوښایی چی زه د نورو صالحو اولادونو څیښتن شم دوا می هم ډیره کړیده کوم اثر یی ندی کړی زه اوس څه وکړم دغه ښځی ته د تعویذونو لپاره لاړشم او که څنګه.
که مهربانی وکړی ماته د قرانکریم داسی صورتونه او دعاګانی وښایی چی زه پری اوبه دم کړم او میرمن ته می ورکړم تر څو د اولادونو څیښتنان شوو.
په درناوی – احمدشاه

——————————————————————–

ځواب

بسم الله الرحمن الرحيم

اول : ډا ډول کسان اکثراً غيب وايي چې ځنې ښکاره ګوډګر او ساحران او ځنې په ديني جامه کې ګوډګر او ساحران وي څوک چې پر کوم کس دم ، دعا کوي هغه بايد ښکاره صالح او تقوی داره انسان وي ځکه چې ساحر ته ورتګ سخته ګناه ده او د کاهن او ساحر او پال کتونکي په خبره تصديق کول د ايمان زوال دی .

تفصيل دلته وګورئ .

https://dawat610.com/archives/144

https://dawat610.com/archives/126

دوهم :  د تعويذ شرعي حکم دلته وګورئ

https://dawat610.com/archives/4479

دريم : د ساحر او ګوډګر علائم

فهد بن سليمان القاضي د سحر اوجادو ګرو علايم داسې بيانوي :

۱- ساحر اوکاهن د مريض او د مريض د مور د نوم پوښتنه کوي .

۲- د مريض څخه ځنی نښې نښانې غواړي لکه خولۍ ،ږومنځ او داسې نور .

۳- د يوه حيوان په خاصو صيفاتو ذبح کول غواړي او د حيوان د ځنو برخو ګډول له وينې سره .

۴- په بې مفهومه خبرو او نيمګړيو تورو به خبرې کوي .

۵- يو شی به مريض ته ورکوي چه په ځمکه کې يې خښ يا يې د کور په کوم ځای کې پټ کړي .

۶- د خاصو وسائلو په وسيله د مريض له احوالو ځان خبرول .

۷- د فسق علائم ،په نومړي کس کې به د فسق علايم څرګند معلوميږی تقوی به له سره نه لري يو فاسق انسان به وي .

څلورم : د اولاد پيدا کيدو د درملنې او دم ، دعا په اړه :

اول دا چې دری کاله دومره موده نه ده کيدای شي تاسې هيڅ مرض و نه لرئ ځکه د ځنو ښځو حمل اخيستل تر دوو ، دريو يا څلورو کلونو پورې ځنډيږي .

دوهم دا چې د مؤمن دعا خاص اهميت لري په دعا کې اخلاص او د دعا شرعي طريقه او شرايط مهم دي نور اسلامي شريعت د دعا د پاره خاص الفاظ نه دي ټاکلي د دعا شرایط دلته وګورئ .

ځنو علماء کرامو د اولاد غوښتنې د پاره د حضرت ذکريا عليه سلام د دعا الفاظ کوم چې په قرآنکريم ذکر شوی دي ښه بللی دي .

قَالَ رَبِّ هَبْ لِي مِنْ لَدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاءِ ( 38 ).

تاسې ته مو نصيحت دا دی چې په اخلاص سره دعا کوئ الله د هغو کسانو د پاره چې تقوی اختيار کړي د مشکلاتو څخه د وتلو لارې برابروي . ان شاء الله

لطلاق الآية 2 ‏{‏وَمَنْ يَتَّقِ اللَّهَ يَجْعَلْ لَهُ مَخْرَجًا‏}‏ سورة الطلاق الآية 3 ‏{‏وَيَرْزُقْهُ مِنْ حَيْثُ لا يَحْتَسِبُ‏}‏‏.

وبالله التوفيق، وصلى الله على نبينا محمد وآله وصحبه وسلم‏.‏

آن لاين اسلامي لارښود

Print Friendly, PDF & Email

یو څرګندون یا تبصره

  1. abdulmateen majboor

    salamoona aw ihteraamat

    Muhtarama zamaa sarah pa bus ki mazdoorn de che da kaar lapara ye company tah rasawoom aw pa doie ki christan aw hendwaan ham shta
    Ayaa da hagho pa hozoor ki kawali sham che da quraan e paak telawaat woghagawoom ?
    Manana

اترك تعليقاً