مسيحيت وپيږنئ دوهمه برخه ( د مسيحيت عقيده )

 

دمسيحيت عقيده
خدای ج حضرت عسیع  بنی اسرائيلوته د ښکاره نښانواوانجيل کتاب سره وليږه تر څوخلک دخدای آسانه،اودهرډول تحريف او کږوالې نه پاک دين ته راوبولي حضرت عسی ع  خلک ديوالله ج  عبادت اوبندګۍ ته رابلل مګردعسی ع له  دورې ورسته انجيل تحريف شو اوس مسيحيت په يوه باطله عقيده اوپيچيده فلسفه باندې بدل شوي دی چې د خپلوپيروانو يې هم لاره ورکه ده.
هغوی دحضرت عسی ع  په ستاينه کې دومره افراط وکړچې د بنده ګې نه يې د خدايی ترپولې ورساوه چې عسی ع د خدای ج  زوی بولي . العياذ باالله .
نودابه کوم عقل ومنی چه د بی بی مريمی زوی دی الغياذبالله  د خدای زوی شی هغه خدای (ج) چه لمْ يَلِدْ وَلَمْ يُولَدْ ۳ وَلَمْ يَكُن لَّهُ كُفُوًا أَحَدٌ ] ذات دی . 
 
داخودخدای (ج) دقدرت نيښانې دي چې آدم ع يې بې پلاراوموره پيداکړ ،بی بی حوايې بې موره پيدا کړه او مسيح ع یې  بی پلاره پيداکړ . اوهمدارنګه  بی بی مريم رض د خدای مور بولې ترداسې   اندازی چې په ځنوکليساؤ کې يې د بې بې مريمی مجسمې جوړی کړي اودخپلواحتياجاتولپاره ورته سر ټیټوي .
په همدې وجه رسول الله يې خپل امت په ستاينه کې له افراط څخه منعه کړي دی لکه چې فرمايی : زما له حده ذيات صفت مه کوی لکه نصاراوو چې د مريمی د زوی له حده زيات وستايلو زه يو بنده يم پس ووايی بنده او راليږل شوی د خدای ج (بخاری او مسلم ) .
اوسنی مسيحيت په دريو بناوو ولاړدی :
۱- د تثليت عقيده يا دری ګوني خدايان
۲- صليب (په دار ځړول شوی) اودهغه تقدس اود مسيح قرباني
۳- د قيامت په ورځ دعسی له خلکو سره حساب کول  

 
۱- دتثليت عقيده :
مسيحيان خو په لوی خدای ج  عقيده لري ځکه اهل کتاب دي ولې له خدای ج  سره شريک نيسي عسی (زوی) اوروح القدوس (جبريل) له هغه سره شريکوي اوپه دې مسئله کې ټول مسيحيان په يونظر نه دي بلکې د دوی د کليساوو ترمنځ اختلاف دی (الموسوعة الميسر ص ۵۰۳)
يوه فرقه يې په دې عقيده ده چې مسيح ع  انسان دی اوبله ډله يې بياوايي :پلار،زوی اوروح القدوس له دريو مختلفو شکلونو يې خدای ترسيم کړي ظاهراًً خلکو ته خدای يادوي ولې په اصل کې يې له خدای نه هدف پلار،زوی اوروح القدوس دی ؟
زوی (مسيح) له خدای (پلار) اودروح القدوس (جبريل ) په توګه د مريمې بدن ته انتقال شوی دی اودښځې په څيرڅرګند چې وروسته عسی ع  ترې پيداشوي دی .العياذ باالله
يوه بله ډله يې وايي زوی د پلار په څير ازلي نه دی بلکه مخلوق دی د نورو مخلوقاتو په څيراو دپلار نه په لاندې درجه کې وي چې دپلار د اوامرو تابع وي .
بله ډله يې چې د نيقيه ټولنی په نوم په ۳۲۵ ميلادي اود قسطنطينيه ناسته په کال د ۳۸۱ ميلادي کې دا تصويب کړه چې زوی اوروح القدوس په الوهيت کې له پلار سره مساوي دي زوی په ازل کې له پلاره څخه پيداشوي دی او روح القدوس له پلارڅخه څرګند اوځليدلی دی  .
د طليطله په نوم يوې بلې ډلې په  ۵۸۹ ميلادي کال کې داتصويب کړه چې روح القدوس له زوی څخه منځ ته راغلی دی  (خصائصه التصور الاسلامي ص 31)
د مطلب خلاصه :
الف : دشرق او غرب کليساوی په يوه نظر نه دي بلکې دوی په خپل منځ کې اختلافات لري چې ترننه دوام لري .
ب : ددی دين تغير او تحريف د دوی په خپل لاس کې دی خود تحريف او تغير لپاره کومه واحده مرجع اوځای هم نه لري .
ج : دوی په خدای ج  ايمان لري ولی په تثليت هم ايمان لري چې تثليت مخکې بيان شو چې هريوځانته خصوصیت لري يوله بله فرق لري خو دوی يې دری واړه يو اصل يو جوهر بولي   په قوت کې يې هم برابر بولي دا يوعجيبه حيرانکونکی نظريه ده !!
که عاقل انسان په دې عقايدو کې ښه فکر او سوچ وکړي دری ذات عقيده لري اوهر يو بيل بيل ځنګړتياوې او خصوصيات لري چې يوله بله فرق لري اودوحدانيت مسئله هسې يوه دعوی ده چې هيڅ صحيح وضاحت نه لري ځکه هغوی وايي : دری اصله يو دی لکه ۱+۱+۱=۱ چې هيڅ عاقل دا نشي قبلولای .
لنډ داچې هغوی دعوی د دريو خدايانو لري او ديوه خدای تر پوښښ لاندې يې خلکو ته وړاندې کوي او وايي : (مونږ د يوه خدای لمانځنه کوو ) د خلکوسترګو ته خاورې ورشندي .
 
په همدې وجه قرآنکريم د دوی ګمراهې داسې بيانوي : يَا أَهْلَ الْكِتَابِ لاَ تَغْلُواْ فِي دِينِكُمْ وَلاَ تَقُولُواْ عَلَى اللّهِ إِلاَّ الْحَقِّ إِنَّمَا الْمَسِيحُ عِيسَى ابْنُ مَرْيَمَ رَسُولُ اللّهِ وَكَلِمَتُهُ أَلْقَاهَا إِلَى مَرْيَمَ وَرُوحٌ مِّنْهُ فَآمِنُواْ بِاللّهِ وَرُسُلِهِ وَلاَ تَقُولُواْ ثَلاَثَةٌ انتَهُواْ خَيْرًا لَّكُمْ إِنَّمَا اللّهُ إِلَـهٌ وَاحِدٌ سُبْحَانَهُ أَن يَكُونَ لَهُ وَلَدٌ لَّهُ مَا فِي السَّمَاوَات وَمَا فِي الأَرْضِ وَكَفَى بِاللّهِ وَكِيلاً(النساء ۱۷۱ ) ژباړه : ای اهل کتابو! پخپل دين کې افراط مه کوی او الله ته له حق ويلوپرته بل هيڅ خبره مه منسوبه وی يقيناً چه عسی زوی د مريمی له دې پرته چې د الله رسول او فرمان ؤ نور څه نه ؤ چې الله مريمی ته وليږو چې د الله له لوري يو روح ؤ چه د مريم په رحم کې يې د ماشوم بڼه غوره کړه . نوتاسې په الله او ټولو پيعمبرانو ايمان راوړی او مه وايی چه خدای دری دي منعه شی داهمدا تاسی لپاره ډيره ښه ده او الله خو همدا يو دی هغه لدې پاک او لوړ دی چې دهغه لپاره کوم څوک زوی ووسي د آسمانواوځمکو د ټولو شيانو دهغه ملکيت دی او دهغه د څارنی او ساتنی لپاره همغه کافي دی .
داؤ د مسيحيت دتثليت ګنګه عقيده چې کوم قانع ځواب نه لري چې مسيحيان يې په دوولاروکې حيران کړی دي .

 
اوس له زرګونوهغوقصوچې مسيحيانوپه اسلام باندې خپل زړه باللی دی يوقصه ستاسوپه خدمت کې بيانوم :
راجين هولد شوارش دپولند هيواد دپرستانت دکورنۍ په مذهب پورې اړوندؤاوس په اسلام مشرف شوی خپله قصه داسې بيانوي : ماله وړوکتوب نه ددينی اومذهبي مسايلو سره علاقه لرله نو لومړی مې د کليساؤ دعقايدو مطالعه پيل کړه ولی څه مې چې زده کړل قناعت لرونکی نه ؤځکه زه ونتوانيدم د تثليت (دری خدايان) په مسله پوه شم ،اوکليسا هم پدې اړه کوم قانع ځواب نه لرلو.
اوپه ذهن کې مې داسې سوالونه راګرځيدل چې ولې عسی ع د خدای زوی بلل کيږي . په داسې حال کې چې د يوحنا انجيل په اوم سِفروايي (زه ددی توان نلرم چې پخپله کوم کار ترسره کړم ) او دانجيل مټی اوسِفربيا وايي (ای خلکو! دپروردګارمو عبادت او اطاعت وکړﺉ ) .
چې په دې اړه مې دمسيحيانوله علماؤسره مناقشې وکړی خو دوی ونتوانيدل قانع ځواب راکړي .وروسته مې د هندويې اوبودايی اوځنونورو اديانومطالعه وکړه خوپه هريوکې يې په سلګونوخدايان وو زړه مې په هيڅ یوه باندې آرام نشو ترڅومې د اسلام يوکتاب ترلاسه کړچې د اسلام په اړه مختصرمعلومات پکې ليکل شوي ؤ وروسته مې تصميم ونيوچې د اسلام په اړه کافی معلومات تر لاسه کړم همغه ؤچې مسلمان ملګری مې پيداکړل اوله هغوی نه مې د اسلام په باره معلومات وغوښتل هغوی ماته ذيات کتابونه راکړل ترڅومې زړه آرام شواوټول ورک شوي مې پيدا کړل .(لماذا اعتنقت الاسلام ص 16)
داؤدتثلیت دعقيدې لنډ بيان چې عقل سليم يې له سره نشي قبلولای .
وګوری! چې مسيحيانوچې د عسی ع پيروان ځانونوته وايي د ستر پيغمبرحضرت عسی ع په حق کې څومره ګوسداخې کړي ده دخدای له پاره عسی ع د خدای زوی بولې العياذ باالله هغه خدای چې له صفت څخه باکل پاک او لوړ دی .
 
دسترلايزال څښتن په حق يې څومره ګوستاخې اوظلم کړی چې له هغه ج سره شريک نيسي .چې د مونږمسلمانانويې په ليکلوشرميږو .
 
ليکنه : قريب الله مطيع  مدينه منوره
ژباړه : ان لاين اسلامې لارښود
 
 
 
 
 
 
 
 
 
 
 
 
 
Print Friendly, PDF & Email
(Visited 35 times, 1 visits today)