لمونځ د اسلام دوهم رکن دی ، د چا چې لمونځ سم شو د هغه دين او دنيا سم شول ، په دنيا کې کامياب شو ځکه خاين او فاسد به نه وي رښتنی او صادق به وي ځکه چې لمونځ د هر ډول خيانت او ګناه څخه سړی ساتي [إِنَّ الصَّلاَةَ تَنْهَى عَنِ الْفَحْشَاء وَالْمُنكَرِ].
او په قيامت کې لومړی حساب د لمانځه دی او د لمانځه د حفاظت بدله جنت دی
الله سبحانه وتعالی فرمايي [وَالَّذِينَ هُمْ عَلَى صَلاَتِهِمْ يُحَافِظُونَ ، أُوْلَئِكَ فِي جَنَّاتٍّ مُكْرَمُونَ] (المعارج ۳۵ )
ژباړه: هغه کسان چه دوی د خپل لمانځه ساتنه کوي دغه کسان به په عزت سره د جنت په باغونو کې اوسيږی .
مګر کوم لمونځ ؟ هغه لمونځ د شرعې موافق وي او د لمانځه لپاره طهارت شرط دی ، په لاندې بيان کې د طهارت مفصل بيان دی .