په جومات کې د دعوت وسائل او افکار

۱- د فرضي لمانځه وروسته د وغظ د څو کلماتو بيانول .

۲- په اونۍ ، مياشت يا فصل کې د بيان او وعظ غونډه جوړل .

۳- د اوږد مهاله او لنډ مهاله درسي حلقاتو جوړول ، د آذان او اقامت تر مينځ ، يا د ماښام او ماسختن تر مينځ .

۴- د علمي سيمنارونو جوړول.

۵- د کتابونو او رسالو د توزيع د پاره د يو صندوق جوړول .

۶- د اهل خير په مرسته د جومات لپاره عامه کتابتون جوړول.

۷- د خلکو لپاره علمي مسابقات په لاره اچول خاصتاً په رخصتيو کې .

۸- د لويانو او کوچنيانو لپاره د قرآن د زده کړي او حفظ حلقات جوړول .
۹- د جماعت کډونوالو ته د کتاب څخه څو کرښې بيانول .
۱۰- د با استعداد کسانو هڅول او د هغوی څخه په کلي کې د دعوت په چارو کې استفاده کول.

۱۱- د فقراء او مساکينو د حال څخه ځان خبرول او د هغوی حال د اغنياوو او خیريه مؤسستاتو سره شريکول .

۱۲- د کلي د مشرانو په مرسته د خلکو په مينځ کې د اصلاح کوښښ او هڅې .

۱۳- کله کله د جومات امام د څو تنو په ملتيا د لمونځ کوونکو کورونو ته د ملاقاتو او پوښتنې لپاره ورتلل .

۱۴- د جماعت ترک کوونکو سره ملاقات او د هغوی هڅول جومات ته .

۱۵- په جومات کې د يو صندوق جوړل د پشنهاداتو او دينې پوښتنو د پاره .

۱۶- په جومات کې د يوې تختې نصبول تر څو په هغه باندې مهمې فتواوې ، د علمي دورو اعلانات او نور نصب شي .

۱۷- امام به د خلکو سره ښه سلوک کوي ،ښه اخلاق به غوره کوې او د خلکو زړونه به لاس ته راوړي.

۱۸- فردي دعوت تر سره کول .

۱۹- نصيحت او أمر بالمعروف او نهی عن المنکر کول .

۲۰- د جُمعې د خطبې لپاره پوره تياری نيول او د مناسبې موضوع انتخاب .

۲۱-  د اهل علم د فتاوی نشرول .
۲۲- اسلام ته د غير مسلم ګاونډې دعوتول .

۲۳- کليوالو ته تأکيد کول تر څو د خپلو اولادونو تربيت ته متوجه شي او خاصتاً د لمانځه په حصه کې خپل اهل او اولاد ته زياته توجه وکړي او خپل ماشومان له جماعت سره عادت کړي .

۲۴- کليوالو ته تأکيد کول تر څو خپلو کورنيو ته دين ورسوي ، خپل اهل ، او لوڼې ښځينه مدرسې ته وليږي او په کومو احکامو او مسائلو کې چې مشکل لري هغه له امام سره شريک کړي .

 ۲۵- د پوهنتون محصلين دعوت الی الله ته هڅول او د هغو څخه د کلي او جومات په خيریه چارو کې استفاده کول.

۲۶- د کلی د ماشومانو او اطفالو په زړه کې د جومات د محبت ځايول .او د هغوی سره رفق او نرمې کچېرې خطاء ورڅخه کيږي .

۲۷- د کلي خلک ټولنيزو حقوقو او آدابو ته متوجه کول .

۲۸- مياشتني غونډه او اجتماع د نږدې کليو او ښار د خطيبانو ، علماؤ او امانانو تر مينځ د نظرياتو او تصميماتو شريکول لپاره.

۲۹- د جيدو علماؤ او داعيانو دعوتول جومات ته تر څو خلکو ته بيان او وعظ وکړي خلک يې د علم څخه استفاده وکړي او د هغوی د دينې پوښتنو ځوابونه ورکړي .

۳۰- د خطيبانو او امامانو د خطبو او بيانونو شريکول په انترنټ کې تر څو نور خلک استفاده ورڅخه وکړي.
۳۱- د دعوت، علمي او تربيوي پروګرام او تقسيم اوقات ترتيب .
۳۲- په ځينې مهمو ټولينزو مسائلو کې د نورو امامانو او خطبانو سره مشوره کول .
۳۳- جومات ته راتلونکو ماشومانو تشويق او ترغيب او هغوی ته څه انعمام ورکول تر څو د دوی له جومات او علم سره محبت پيدا شي .
۳۴- د معتکفينو (اعتکاف کوونکو) په انتظام کې مرسته کول .
۳۵- په رمضان المبارک کې د پشلمې او روژه ماتي د وختونو جدول برابرول .
۳۶- د ځينې پوسترو نشر لکه : د فضائل اعمال ، د رمضان استقبال ، يوم عرفه او نور .

۳۷- د امام لخوا د ځينې ميدانونو ، تجارتي ځايونو ليدنه کول او څښتنانو ته يې د فساد او منکر څخه د لريوالی نصيحت کول .

۳۸- د معاصرو بلاوو او آفتو څخه د خلکو ډير ډير وېرول لکه : موسیقي ، کفري ، شيطاني او فاحش سريالونه ، فلمونه او نور .

۳۹- د خلکو د عقائدو د تصحيح لپاره کوښښ .

۴۰- په ټولنه کې د ناوړه رواجونو ، بدعاتو ، شرکياتو په وړاندې په حکمت سره مقابله کول .

اعداد مرکز الدعوة و الارشاد بمکة المکرمه

ژباړه او ترتيب : آن لاين اسلامي لارښود

Print Friendly, PDF & Email